2017ko Erentzungo eskortak saria.

Artisau azokaren hogeita hamargarren edizioan, bereziki AUZOLANA jarri nahi izan dugu begi bistan, elkar ekintza horri esker, banaka eginez ezinezkoak izango liratekeen proiektuak aurrera eramaten baitira.

30 urtetik hona, Artisau azoka bera belaunaldiz belaunaldi igarotzen ari den auzolana da.

Gure herriko euskara suspertzeagatik saria nori eman erabakitzeko orduan, askoentzat ezezaguna gerta daitekeen jende-talde bati erreparatu diogu, auzolan handia ere dena. Hala ere, hemen bitan arrastoa utzi dute auzolan gisa.

Urdiaingo Benigno Mendia iturginaren lagun-taldea esan nahi dugu, hain zuzen ere. 2005 inguruan, bere kuadrilla adoretu zuen paellakada bat egitera, Olaztiko Nafarroa Oinez laguntzeko asmoz.

Egitasmo hura hitzordu finko bihurtu zen: 2007an 500 anoa baino gehiago banatu zituzten Vianako bigarren Oinezen…eta hazten jarraitu zuten.

Ez dute inoiz beraien hitzorduan kale egin, ezta igaro 2015ean ere, noiz Benignok talde burua izateari utzi zion, ustekabean eta goizegi zendu zelako.

Entrega corrales de Erentzun 2017

2017ko Erentzungo eskortak saria ematea

Egitasmo hura hitzordu finko bihurtu zen: 2007an 500 anoa baino gehiago banatu zituzten Vianako bigarren Oinezen…eta hazten jarraitu zuten.
Ez dute inoiz beraien hitzorduan kale egin, ezta igaro 2015ean ere, noiz Benignok talde burua izateari utzi zion, ustekabean eta goizegi zendu zelako.
Hala eta guztiz ere, galera hori izanagatik ere, taldeak bere egitasmoari eutsi zion, indar handiagoaz, izatekotan, eta Elizondon hartutako konpromisoa atxiki zuen. Eta ez hori bakarrik, iaz jarraitu zuten, eta Nafarroa Oinez egunean 900 anoa ere prestatu zituzten Vianan.

Benignoren lagun taldea

Vianara Erentzungo eskortak saria jasotzera etorri zen Benigno Mendiaren lagun taldea

Gure ERENTZUNGO ESKORTAK beraientzat da.

Auzolan

Etimologia aldetik, auzolan euskal hitzak auzokoek egindako lana adierazten du. Gure eskualdean, Erribera Garaian, gaztelaniazko “a vereda” esamoldearen baliokidea da, hau da, bertokoei ezer egiteko deialdia, bide berean edo distantzia laburra egoteagatik eta denen interesa izateagatik.

 

Itxuraz, auzolan ekintzak dagoeneko galdu egin dira gure hirian. Ermita bat, sail ureztatuak, edo bide bat konpontzeko lan komunak egiteko ez da jadanik deialdirik egiten: gaur egun teknikariei ematen zaizkie horrelako lanak, eta proportzionalki kobratzen zaie onuradunei.

 

Baina egiaz bai irauten du, eta adibiderik argiena iaz ikusi genuen: Nafarroa Oinez. Zalantzarik gabe, gure herrialdean egiten den auzolanik handienetakoa da. Joan den urtean, xede baten alde eta interesik gabe, 1.500 lagun baino gehiagok bertan lan egin zuten. Gehienok Vianakoak, Lodosakoak eta bertoko herrietakoak izan ginen arren, Euskal Herri osotik etorri ziren kolaboratzaileak. Urtebete luzea izan da, eta AUZOLAN hitza esanguraz bete izan da, lan boluntarioa eginez, garaiko altruismoaz, antzinako joera mantenduz, dirua eskasa zenean,  lehenengo denboretan bezala egiten zen moduan, uholdeak eraman zuen zubia edo gaizki zegoen iturri hori konpondu behar zenean.

 

Gure ikastolen proiektu kooperatiboa sendotzeko balio izan du abagune horrek. Gure XXX. artisau azokan, guztioi eskerrak eman nahi dizkizuegu, joan den urriaren 16an egindako AUZOLAN itzel horretan parte hartzeagatik, benetan gure bihotzetan betiko geratu baita. Eskerrik asko auzolan-kide guztioi.